192.168.0.1 login frases de motivacion
DigitalOcean Promo Code
FIFA World Cup 2018 Live Stream
विमान दुर्घटनाप्रति प्रम ओलीले बंगलादेशी समकक्षीसमक्ष दुःख व्यक्त
2018-03-12
विमान दुर्घटना: काँग्रेसद्वारा दुःख व्यक्त
2018-03-12

अखिल अध्यक्षको दाबेदार हुँ

आरती लामा, सचिव, अनेरास्ववियु

अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) विघटनको संघारमा छ । अध्यक्ष नवीना लामा समानुपातिकबाट प्रतिनिधिसभाको सांसद बनेपछि अनेरास्ववियुमा अध्यक्ष पद खाली छ । त्यसैले अहिले अखिलमा विघटनको चर्चा चलेको हो । दुई ठूला कम्युनिस्ट पार्टीहरू एउटै हुने चर्चासँगै भ्रातृसंस्थाका विद्यार्थी संगठन अनेरास्ववियु र अखिल क्रान्तिकारी एक हुने तयारी गर्दैछन् । त्यसैले विद्यार्थी संगठनको नेतृत्वमा को आउने भन्ने बहस चलिरहेको छ । नेतृत्वसँगै अबको एकता प्रक्रिया कसरी अघि बढ्ने, अबको एजेन्डा के हुने भन्ने बहसका बारेमा अखिलकी सचिव आरती लामासँग राज ढुंगााले गरेको कुराकानी :

० अनेरास्ववियु अहिले के गर्दैछ ?
– हामीले भर्खरै अन्तर्राष्ट्रिय श्रमिक महिला दिवस मनायौं । श्रमिक महिला पत्रकारलाई हामीले सम्मान ग¥यौं । देशभरि सम्मेलनको मिति तय गरिसकेका थियौं, पार्टीको निर्देशनअनुसार हामीले सम्मेलन रोकेका छौं । तर विभिन्न रचनात्मक कार्यक्रम, आन्दोलन, विद्यार्थीमाझ पुगेर पुनर्गठनको अभियानलाई हामीले जोडिरहेका छौं । सम्मेलनबाहेक हामीले सबै खाले गतिविधि गरिरहेका छौं ।

० जिल्लाको अधिवेशन सक्नुभयो ?
– दुई वर्षअघिको फागुनमा हाम्रो महाधिवेशन भएको थियो । हामी २२औं महाधिवेशनको तयारीमा थियौं । नयाँ ढंगले राजनीतिक कोर्ष अघि बढ्यो । अहिले पार्टी एकताको कुरा आएको छ । पार्टीसँगै जनवर्गीय संगठन पनि एकतामा जानुपर्ने भएकाले धेरै जिल्लाको सम्मेलन हामीले सम्पन्न गरिसकेका थियौं, केही बाँकी थियो, त्यो रोकिएको छ ।

० नेतृत्व फेर्न अधिवेशन गर्न लाग्नुभएको हो ?
– अनेरास्ववियुको ५४ वर्षको गर्विलो इतिहास छ । अखिल विधि र विधानलाई मान्दै विद्यार्थीको चाहनाअनुरूप यो ठाउँसम्म आइपुगेको हो । ५४ वर्षको इतिहासमा पहिलोपटक वर्तमान अध्यक्ष प्रतिनिधिसभाको सदस्य बन्ने अवसर प्राप्त भयो । अध्यक्षले नयाँ जिम्मेवारी पाएपछि संगठनलाई नयाँ अध्यक्ष आवश्यक परेको छ ।

० दुईवटा विद्यार्थी संगठन एक हुने बेलामा अखिलमा अध्यक्षको बहस सान्दर्भिक छ र ?
– सान्दर्भिकता छ वा छैन भन्नुभन्दा पनि अहिलेको आवश्यकता हो । दुई वर्षे कार्यकाल पूरा गरिसक्यौं, हामी महाधिवेशन तयारीमा थियौं । महाधिवेशन तयारीमा रहेकै बेला हामीमाझ ऐतिहासिक जिम्मेवारी आएको छ । दुई पार्टी एकतासँगै हाम्रो विद्यार्थी संगठन पनि एक हुने कुरामा कुनै दुविधा छैन । तर त्यसभन्दा अगाडि वर्तमान अध्यक्ष नवीना लामा प्रतिनिधिसभाको सदस्यमा निर्वाचित हुनुभएको छ । उहाँको भूमिका अब संसद्मा रहने हुँदा संगठनलाई नेतृत्वविहीन बनाउनु हुँदैन । त्यसकारण संगठन पुनर्गठनको आवश्यकता भयो ।

० पुनर्गठन कसरी हुन्छ ?
– चुनाव हुँदैन, निर्वाचन नहुने भए पनि कुनै नेताले तोकेको व्यक्ति आउनु हुँदैन । विधि र विधानभित्र रहेर विद्यार्थीको चाहनाअनुरूप आउनुपर्छ । यो विषयको छलफल हामीमाझ चलेको छैन, त्यसैले बजारमा धेरै कुराको चर्चा चलेको छ ।

० नेतृत्व लिन होडबाजी चलेको छ नि ?
– पुनर्गठनको कुरा भइरहँदा म नेतृत्व सम्हाल्छु भन्ने कुरालाई अन्यथा लिनु हुन्न । उहाँहरू फुत्त अखिलका नेता भएका होइनन्, लामो इतिहास बोकेका, धेरै चरण पार गरेर आउनुभएको छ । दुईवटा पार्टी एक हुन लागेका बेला जुनसुकै पदमा बस्न तयार हुनुपर्ने अवस्था छ । हामीले व्यक्तिगत चाहनाभन्दा माथि उठेर पार्टीको हितमा काम गर्नुपर्छ । पदलाई सर्वोपरी ठान्ने चिन्तन अशोभनीय छ ।

० अध्यक्ष पद खाली रहेको परिस्थितिमा नेतृत्व कसले लिने भन्ने कुरा विधानमा छैन ?
– अध्यक्ष नवीना लामाले राजीनामा दिन्छु भन्नुभएको छ । त्यसपछि स्वाभाविक रूपमा उपाध्यक्षले नेतृत्वको दाबी गर्न पाउनु हुन्छ । सचिवले अध्यक्षको दाबी नगर्ने भन्ने कुरा आउँदैन । एक कार्यकाल पदाधिकारी भइसकेकाले नेतृत्वको दाबी गर्न पाउने विधानमा स्पष्ट छ ।

० नेतृत्वका लागि यो बहस आवश्यक थियो ?
– थिएन, कार्यकर्ताको लेबलबाट यो विषयमा सामाजिक सञ्जालमा विचारहरू सार्वजनिक भएको छ । अखिलको गर्विलो इतिहास जोगाउने जिम्मेवारी तपाईं हाम्रै काँधमा छ । त्यसैले साथीहरू विधि र विधानमा रहेर मर्यादित रूपमा प्रस्तुत हुँदा राम्रो हुन्थ्यो ।

० नेतृत्वको विषयमा पदाधिकारीबीच छलफल भयो ?
– यो विषय अहिले छलफलमा आएको छैन । तर सामाजिक सञ्जाल र सडकमा छरपस्ट भएको छ । यो कुरा छरपस्ट रूपमा आइसकेपछि विद्यार्थी इन्चार्ज रवीन्द्र अधिकारी र अध्यक्षले बैठक बोलाउनु हुन्छ होला । पुनर्गठन हुँदा पदाधिकारी मात्र होइन, तल्लो तहसम्म पुनर्गठनको आभास हुनुपर्छ । क्रान्तिकारीसँग एकताको बाटोमा लाग्नुपर्ने भएकाले यही ढंगले बहस चल्नुपर्छ ।

० एकताका बारेमा क्रान्तिकारीसँग छलफल भएको छैन ?
– हाम्रो हिजोसम्म मुख्य प्रतिस्पर्धी भनेको क्रान्तिकारी विद्यार्थी संगठन नै थियो । स्थानीय निर्वाचनभन्दा अघिसम्म हाम्रो प्रमुख शत्रु भनेकै क्रान्तिकारी विद्यार्थी थिए । पछिल्लो चरणमा वाम गठबन्धन बनेको छ, त्यसपछि अखिल र क्रान्तिकारीले संयुक्त रूपमा निर्वाचन परिचालन कमिटी निर्माण गरेका थियौं । अहिले संयुक्त रूपमा विभिन्न कार्यक्रम गछौं । जिल्ला तहदेखि नै हाम्रा साथीहरूबीच अन्तरमिलन भइसकेको अवस्था छ ।

० राजनीति मात्र गर्ने कि विद्यार्थीको हकहितका काम पनि गर्नुहुन्छ ?
– अहिलेको अवस्था भनेको नेतृत्व छान्ने हो, यसलाई हामीले अस्वाभाविक लिनु हुँदैन । राजनीति मात्र गर्ने विद्यार्थीको हकहितमा नबोल्ने अखिलको चरित्र होइन । हिजोको हाम्रो इतिहास हेर्ने हो भने विद्यार्थीको हकहित र शिक्षाको विषयमा लडिरहेका छौं । शिक्षामा भएको व्यापारीकरण, माफियातन्त्रविरुद्ध हामी अहिले पनि आन्दोलनमै छौं ।

० अहिलेको कार्यकाललाई कसरी लिने ?
– तीतो सत्य भन्नैपर्छ, यो हाम्रो कार्यकाल सुखद रहेन । केन्द्रीय, स्थायी कमिटीमा आ–आफ्नो फरक मत राख्ने काम भयो । तर, यी सबै कुरा छलफल र बैठकमा सीमित हुन्थ्यो, ती असमझदारी बैठकमा सीमित हुन्थ्यो, चितवन बैठकले त्यो सन्देश दिएको थियो ।

० तपाईं पनि अध्यक्षको दाबेदार ?
– पोखरा महाधिवेशनमा रामकुमार झाँक्रीले नेतृत्व लिइरहँदा म पनि केन्द्रीय समितिमा थिएँ । अहिले नेतृत्व दाबी गरिरहेका धेरै साथीहरू त्यसबेला केन्द्रीय कमिटीमा हुनुहुन्थ्यो, केही साथीहरू त चुनावमा पराजित भएर पनि मनोनीत भएर आएका हुन् । म निरन्तर संगठनमा छु, अहिले सचिव छु, त्यस हिसाबले म पनि अध्यक्षको दाबी गर्न सक्छु ।

० अबको अध्यक्ष को ?
– विधि र विधानमा रहेर विद्यार्थीको चहानाअनुरूप जो आउँछ, त्यही नै अध्यक्ष हो ।

The post अखिल अध्यक्षको दाबेदार हुँ appeared first on Nepalbritain.com.

Source: Bretain Nepal

Leave a Reply

Your email address will not be published. Required fields are marked *

Get the latest news and articles about health, science and medicine. A look at the technology and science behind medical discoveries and treatments on atHealthVista

Play the latest edition of the Soccer Heads Unblocked at school. Choose your team and try to win the champions league. Have fun with the most colorful