192.168.0.1 login frases de motivacion
DigitalOcean Promo Code
FIFA World Cup 2018 Live Stream
Left alliance unifies in Nepal
2018-05-17
अहिलेसम्मकै ठूलो पार्टी बन्यो नेकपा ‘अण्डरलाइन’
2018-05-17

एनएसजेएफ स्पोर्टस अवार्ड : पारस खड्का उत्कृष्ट पुरुष खेलाडी

काठमाडौं, जेठ ३ – एनएसजेएफ स्पोर्टस अवार्ड २०७४ मा वर्षको उत्कृष्ट पुरुष खेलाडी को उपाधि क्रिकेटका कप्तान पारस खड्काले हात पारे । 

नेपाली क्रिकेटलाई सफलताको उचाईमा पुर्‍याउन सफल तथा पछिल्लो पटक ऐतिहासिक एक दिवसीय मान्यता दिलाएका कप्तान पारसले व्यक्तिगत रुपमा पनि २०७४ सालमा उत्कृष्ट प्रदर्शन गरेका थिए ।

उनले विश्वकप छनाटमा दुई सय ३१ रन बनाएका थिए भने डिभिजन २ मा १ शतक र १ अर्धशतक सहित २ सय ४१ रन बनाएका थिए ।
खड्काले ब्याडमिन्टनका दिपेश धामी, क्रिकेटकै सन्दीप लामिछान,े जुडोका इन्द्रबहादुर श्रेष्ठ तथा गल्फका टङकबहादुर कार्कीलाई पछि पार्दै उपाधि हात पारेका हुन् ।

उत्कृष्ट प्रशिक्षक टमाटा

एनएसजेएफको उत्कृष्ट प्रशिक्षकको उपाधि नेपाली क्रिकेट टिमका मुख्य प्रशिक्षक जगत टमाटाले जितेका छन् । 

उत्कृष्ट प्रशिक्षकको मनोनयनमा नेपाललाई एकदिवसीय मान्यता दिलाउन महत्वपूर्ण भूमिका खेलेका जगतबाहेक क्रिकटकै विनोद दास, फुटबलका छिरिङ लोप्साङ गुरुङ, बक्सिङका प्रकाश थापामगर र ब्याडमिन्टनका जयन्तकुमार श्रेष्ठलाई परेका थिए । जगतको प्रशिक्षणमा नेपाल विश्वकप छनोटमा आठाँै स्थानमा रहेको थियो । यस्तै विश्व क्रिकेट लिग डिभिजन २ मा उपविजेता बनेको थियो ।

उत्कृष्ट युवा खेलाडी सन्दीप लामिछाने

वर्षको उत्कृष्ट युवा खेलाडीको उपाधि युवा क्रिकेटर सन्दीप लामिछानेको पोल्टामा परेको छ ।

लामिछानले नेपाली क्रिकेट टोलीले एक दिवसिय मान्यता पाउँदा महत्वपूर्ण भूमिका निर्वाह गरेका थिए । यो उपाधिको होडमा  लामिछानेसँगै क्रिकेटकै दीपेन्द्रसिंह ऐरी, फुटबलका दिनेश हेम्जन, जुडोकी मनिता श्रेष्ठ प्रधान र बक्सिङकी पुनम रावल पनि थिए । सन्दीपले आइपीएलको आफ्नो पहिलो खेलमा उत्कृष्ट इकोनोमी सहित शानदार बलिङ गरेका थिए । उनी वेष्ट ईन्डिज विरुद्ध खेल्ने आइसिसीको विश्व ११ टोलीमासमेत परेका छन् ।

उत्कृष्ट  पारा एथ्लिट हिमाल लम्साल

पारा एथ्लिटतर्फ ह्विलचियर बास्केटबल र क्रिकेटका कप्तान हिमाल लम्साल उत्कृष्ट बन्दै अवार्ड प्राप्त गरे  ।

स्पेशल अवार्ड करन केसीलाई

नेपाललाई डिभिजन टु बाट विश्वकप छनौटमा पुर्याउँदा दमदार प्रदर्शन गरेका नेपाली क्रिकेटर करण केसीलाई स्पेसल अवार्डबाट सम्मानित गरिएको छ  । उनले नामिवियामा भएको डिभिजन टु को खेलमा क्यानडाविरुद्ध उत्कृष्ट प्रदर्शन गर्दै नेपाललाई ऐतिहासिक जित दिलाएका थिए ।

शोभा गौचन उत्कृष्ट महिला खेलाडी

एनएसजेएफ स्पोर्टस अवार्डमा वर्षको उत्कृष्ट महिला खेलाडीको उपाधि ब्याडमिन्टनकी शोभा गौचन ले जितेकी छिन् । यो उपाधि होडमा गौचनसहित बक्सिङकी विमला श्रेष्ठ, आर्चरीकी ज्ञानु अवाले, फुटबलकी सावित्रा भण्डारी र टेबलटेनिसकी नविता श्रेष्ठ पनि थिए ।

पिपुल्स च्वाइस अवार्ड स्यान्टु श्रेष्ठलाई

टेबलटेनिसमा नेपाल नम्बर १ स्यान्टु श्रेष्ठले एनएसजेएफ पल्सर पिपुल्स च्वाइस अवार्ड जितेका छन् । यो उपाधि होडमा रहेका क्रिकेटका सन्दीप लामिछाने, फुटबलका किरण कुमार लिम्बु र भलिबलका चर्चित खेलाडी मान बहादुर श्रेष्ठलाई पछि पार्दै उनले अवार्ड हात पारेका हुन् ।

Source: Ujyalo Network ले छापेको छ ।

Leave a Reply

Your email address will not be published. Required fields are marked *

Get the latest news and articles about health, science and medicine. A look at the technology and science behind medical discoveries and treatments on atHealthVista

Play the latest edition of the Soccer Heads Unblocked at school. Choose your team and try to win the champions league. Have fun with the most colorful