​बिहीबार बढेको रियाल, रिंगिट र दिर्हामको मूल्य आज घट्यो
2018-05-25
Holy stink! Piles of pooh litter Mt Everest
2018-05-25

कर्णाली प्रदेशको दोस्रो अधिवेशन आजदेखि

सुर्खेत, जेठ ११ – कर्णाली प्रदेशको प्रदेशसभाको दोस्रो अधिवेशन आजदेखि सुरु हुँदैछ । आजको प्रदेश सभाको बैठकमा दोस्रो अधिवेशन सुरु भएको भनी प्रदेश प्रमुख दुर्गाकेशर खनालबाट प्राप्त पत्र सभामुख राजबहादुर शाहीले पढेर सुनाई अधिवेशनको सुरुवात गर्ने कार्यसूची रहेको छ ।

यस अघि पहिलो अधिवेशनकै क्रममा बैठकमा पेश भई छलफल भएको कर्णाली प्रदेश आकस्मिक कोष विधेयक–२०७५ आजको बैठकमा निर्णयार्थ प्रस्तुत  हुने  संसद सचिवाललयले जानकारी दिएको छ ।

यस्तै, आज चार वटा विधेयक बैठकमा पेश हुँदैछन् । प्रदेश सभा सचिवालयका सचिव राजेश पौडेलले सामाजिक संघसंस्था नियमन सम्बन्धी विधेयक, मुख्य न्यायाधिवक्ताको काम, कर्तव्य र अधिकार तथा सेवासम्बन्धी बनेको विधेयक–२०७५, सार्वजनिक लिखत प्रमाणीकरण कार्यविधि सम्बन्धी विधेयक र कर्णाली प्रदेशको गाउँसभा र नगरसभाका कानुन निर्माण प्रक्रियासम्बन्धी बनेको विधेयक पेश हुने जानकारी दिनुभयो । 

प्रदेश सभाको बैठक दिउसो १ बजे बस्दैछ । यसअघि प्रदेश सभाको २२ वटा बैठक बसी पहिलो अधिवेशन सकिएको थियो  ।  

Source: Ujyalo Network ले छापेको छ ।

Leave a Reply

Your email address will not be published. Required fields are marked *