192.168.0.1 login frases de motivacion
DigitalOcean Promo Code
FIFA World Cup 2018 Live Stream
Syria 'chemical attack': Girl seen in hospital video speaks
2018-04-15
Syria air strikes: Trump defends claiming 'mission accomplished'
2018-04-15

के हो जर्मनीको गार्डेन हाउस कल्चर?

जीवा लामिछाने। शहरको बीच भाग र छेउछाउमा झुपडी जस्ता देखिने ससाना कटेराहरु देख्दा सुरुमा त म छक्कै परेको थिएँ-जर्मनीमा समेत ‘स्ल्म एरिया’(झुपडी वस्ती) रहेछन भनेर ।

रसियन दाचा वा कन्ट्री हाउस जस्तै जर्मनीमा गार्डेन हाउस कल्चर यहाँका बासिन्दाहरुको जीवन यापनको एक पाटो रहेछ । दाचा वा कन्ट्री हाउसभन्दा यस्ता घरको फरक बिशेषता चाहिं के छ भने यी घरहरुमा राती सुत्न पाइदैन । करेसाबारीको रुपमा उपयोग गरिने यस्ता क्षेत्रहरु जर्मनीका सबै प्रमुख शहर वरीपरि छयासछ्यास्ती देखिन्छन । राजधानी बर्लिन र फ्र्याकंफर्ट यस मानेमा अग्रपंक्तिमा छन् । पुरै जर्मनीमा दस लाखभन्दा बढी यस्ता गार्डेन हाउसहरु रहेको तथ्यांक छ ।

जर्मनीमा यो संस्कृति १९ औं शताब्दी मैं सुरु भए पनि व्यापक रुपमा यसको उपभोग भने पहिलो बिस्वयुद्द पछी सुरु भएको रहेछ । युद्दले तहसनहस भएका शहरका बासिन्दाहरुलाई निजि प्रयोजनकालागि त्यहॉ उत्पादन गरिने अन्न-फलफूल आदिले निक्कै ठुलो राहत दिएको थियो । वालवच्चाले खेल्ने मैदान र श्रम गर्नेहरुले यसवाट थोरै भए पनि स्वरोजगारी पाएका थिए ।

सरदर चार/पॉच सय वर्गमिटर क्षेत्रफलका यस्ता प्लटहरुको एक तिहाइ भागमा फलफूल-तरकारी रोप्ने, एक तिहाइमा कटेरो बनाउने र एक तिहाइ भाग रिक्रियशनका लागी खुला राख्नु पर्ने नियम छ । यो जमिन सरकारी स्वमित्वमा रहने हुनाले उपभोक्ताले लिज़स्वरूप प्रति बर्ष निश्चित रक़म तिर्ने गर्छन । यो रक़म सरदारमा प्रतिवर्ष ५०० युरो जति पर्ने रैछ । जमिनको सरसफाई, रूख विरूवाको छाँटकॉट कटेराको मर्मतसम्भार र गार्डेन क्षेत्र सन्चालन समितीले वनाएका नीति नियमको अवज्ञां गर्नेहरूको प्लट समितीले लिलाम गरीदिन सक्छ ।

कानूनको पालना गर्ने मामिलामा जर्मनहरू अग्रपंक्तिमा पर्छन । सुरक्षाआदिको जिम्म्मा सहकारी समितिले लिने गर्छ । यो ठाउं किन्न नपाइने हुनाले लीजमा लिन चाँहनेहरूले निक्कै लामो लाइनमा बस्नु पर्छ । कसैले लीज कन्टिन्यु गर्न नचाहेमा वाँ खोसुवामा परेमा मात्रै नयॉ मानिसले प्रवेस पाउने हो । त्यस्ता मानिसहरु बिरलै हुने गर्छन । गार्डेन संस्कृतिप्रति जर्मनहरुको विचित्रको क्रेज रैछ ।

बडो मुस्किलले मिलेको हाम्रो गार्डेन हाउस उचित मर्मत सम्भार नगरेको आरोपमा गतवर्ष झन्डै खोसुवामा परेको थियो । यसपटक भने हामी अलि सजग भएका छौं । गार्डेनको सरसफाइ, खनजोत र गोडमेल गर्दै यस सिजनको पहिलो ग्रील पार्टीका साथ नयाँ बर्षको बसी बियालोमा साथीहरूसगं आज सप्ताहन्त मनाइयो ।


– लामिछानेको फेसबुकबाट साभार

The post के हो जर्मनीको गार्डेन हाउस कल्चर? appeared first on News Portal of Global Nepali.

Source: Bretain Nepal
के हो जर्मनीको गार्डेन हाउस कल्चर?

Leave a Reply

Your email address will not be published. Required fields are marked *

Get the latest news and articles about health, science and medicine. A look at the technology and science behind medical discoveries and treatments on atHealthVista

Play the latest edition of the Soccer Heads Unblocked at school. Choose your team and try to win the champions league. Have fun with the most colorful