प्रधानमन्त्रीद्वारा श्रद्धाञ्जलि
2018-01-13
सामुदायिक विद्यालयको पठनपाठन अंग्रेजीबाट गरिने
2018-01-13

गोरुमेलाका लागि तारुका पुग्न पक्की पुल, ३० हल गोरु जुधाइने

फाइल फोटो

काठमाडौँ, २९ पुस । नुवाकोटमा यस वर्षको माघे सङ्क्रान्तिमा ३० हल गोरु जुधाइने भएको छ । जिल्लाका तारुका र बेत्रावतीमा हरेक वर्ष माघे सङ्क्रान्तिमा गोरु जुधाउने गरिन्छ । तारकेश्वर गाउँपालिका–३, चन्दनी, तारुकामा भने यस वर्ष २० हल गोरु जुधाइने मेला आयोजक समितिले जनाएको छ ।

त्यस्तै बेत्रावतीमा १० हल गोरु जुधाइने बताइएको छ । यस वर्ष तारुका मेलास्थल पुग्न नुवाकोट, बेलकोटगढी नगरपालिका–७ र तारकेश्वर–४, बुधसिंह जोड्ने पक्की पुल बनेकाले सहज हुने प्रचारप्रसार उपसमितिका संयोजक विष्णु तारुकेले बताए ।

गोरु जुधाइ मेलाको दिन माघ १ गते अवलोकनकर्तालाई गोरु जुध्ने स्थान चन्दनीसम्म जानका लागि सहज बनाउन गल्छी–देवीघाट सडकखण्ड दैनिक आठ घण्टा बन्द हुँदै आएकामा त्यस दिन दिनभर नै खुला गराउन गल्छी–त्रिशूली–मैलुङ–स्याफ्रु–रसुवागढी सडक योजनाले सहमति दिएको वडाअध्यक्ष समरबहादुर आले मगरले जानकारी दिए ।

बझाङी राजा जयपृथ्वीबहादुर सिंह मामाघर गएका बेला मनोरञ्जन गराउन गोरुजुधाइ गरिएको बताइएको छ । गोरुजुधाइ मेला व्यवस्थित गर्न शिवबहादुर अधिकारीको अध्यक्षतामा ‘माघसङ्क्रान्ति(गोरुजुधाइ) संरक्षण संस्था’ जिल्ला प्रशासन कार्यालय नुवाकोटमा गत साल दर्ता पनि गरिएको छ ।
रासस

प्रतिकृया लेख्नुहोस्:

Source: Sajha Post ले छापेको छ ।

Comments are closed.