192.168.0.1 login frases de motivacion
DigitalOcean Promo Code
FIFA World Cup 2018 Live Stream
अबको प्रधानमन्त्री केपि ओली नै हुनुपर्छः राजेश हमाल
2018-01-13
पत्रकार महासंघको कार्यक्रम दूतावासले बहिष्कार गर्‍यो
2018-01-13

पैसा तिरेको भन्दा कम तेल आएपछि डोटीका व्यवसायीले पेट्रोल बेच्न छाडे

विमल विष्ट/उज्यालो । 

डोटी, पुस २९ – डोटीमा नेपाल आयल निगमबाट आएको पेट्रोलियम पदार्थ बोकेका गाडिले कम तेल दिने गरेको पेट्रोल पम्प सञ्चलाकले गुनासो गरेका छन् । व्यवसायीका अनुसार निरन्तर रुपमा प्रतिट्यांकर चार प्रतिशतभन्दा बढी पेट्रोलियम पदार्थ कम आउने गरेको छ ।

  ‘म हरेक पटक पेट्रोल उठाउँदा ६ हजार लिटरको भुक्तानी दिएर चलान मगाउँछु , आयल निगमले पनि ६ हजार रुपैयाँकै बिल बनाउँछ’ दिपायल सिलगढी नगरपालिका–५ को एसजी फ्युल सेन्टरका सञ्चालक प्रेमबहादुर भण्डारीले भन्नुभयो, ’तर प्रत्येक पटक डिप लिँदा २ सय देखि ३ सय लिटर कम आउँछ ।’ यो समस्या डिजेलमा भन्दा पेट्रोलमा धेरै आउने गरेको उहाँले बताउनुभयो । 

अछाम साँफेबगर स्थित इन्द्रसरा आयल स्टोरका सञ्चालक भीमबहादुर कुँवरको समस्या पनि यस्तै हो । ‘आफूले उठाउने १२ हजार लिटर पेट्रोलियम पदार्थमध्ये ५ सय लिटर बाटामै हराउने गरेको उहाँले बताउनुभयो । उहाँले भन्नुभयो ‘१२ हजार लिटरको पैसा तिरेर ११ हजार ५ सय लिटर मात्र पेट्रोलियम पदार्थ मेरो आयल स्टोरमा आउँछ ।’ 

आयल निगमका कर्मचारी र ट्यांकर चालकको मिलेमतोमा यस्तो समस्या आइरहेको अाराेप एसजी फ्युल सेन्टरका सञ्चालक प्रेमबहादुर भण्डारीले लगाउनुभयो । आयल निगमले तापक्रमको समस्या लगायत अन्य कारणले गर्दा यस्तो भएको बताउने गरेको व्यवसायी भण्डारीले बताउनुभयो । यो समस्या समाधान गर्नको लागि निगम शाखा कार्यालय दीपायल र जिल्ला प्रशासन कार्यालय डोटीमा निवेदन समेत दिइएको व्यवसायी भण्डारीले जानकारी दिनुभयो । 

डोटीको एकमात्र पेट्रोल बेच्ने पम्प एसजी फ्युल सेन्टरले निरन्तर रुपमा कम पेट्रोलियम पदार्थ आउन थालेपछि पेट्रोलको माग गरेको छैन् । जसका कारण डोटीमा पेट्रोलको अभाव हुन थालेको छ । कम पेट्रोल आउने समस्या रहिरहे आफूले पनि पेट्रोलियम पदार्थ बेच्न छाडिदिने अछामको साँफेबगर स्थित इन्द्रसरा आयल स्टोरका सञ्चालक भीमबहादुर कुँवरले बताउनुभयो । 

दिपायल स्थित नेपाल आयल निगक शाखा कार्यालयका प्रमुख निरन मगरातीले भने यस्तो समस्याको समाधान दिपालयबाट हुन नसक्ने बताउनुभयो । उहाँले भन्नुभयो ‘यस्तो समस्या तापक्रमकै कारणले आउने गर्दछ, चिसोको मौसममा यो समस्या झनै बढी हुन्छ ।’
 

Source: Ujyalo Network ले छापेको छ ।

Comments are closed.

Get the latest news and articles about health, science and medicine. A look at the technology and science behind medical discoveries and treatments on atHealthVista

Play the latest edition of the Soccer Heads Unblocked at school. Choose your team and try to win the champions league. Have fun with the most colorful