192.168.0.1 login frases de motivacion
DigitalOcean Promo Code
FIFA World Cup 2018 Live Stream
जाजरकोटमा भाइरलका कारण १४ जनाको मृत्यु , अनुगमन टोलि भन्छ सामान्य
2018-01-13
जाजरकोटमा फैलिएको भाईरल ‘एचथ्रिएनटु’ भएको पुष्टि
2018-01-13

यस्तो गाउँ जहाँ सोलारले पानी उपलब्ध गरायो

जनार्दन घिमिरे, उज्यालो । 

गुल्मी, पुस २९ –खोला किनारमा रहेको मुहानको पानी सोलार प्रविधिले डाँडोमा रहेको गाउ“बस्तीमै पुर्‍याइदिएपछि गुल्मीको जीमी र नरम गाउँका स्थानीयले सुविधा पाएको महसुस गरेका छन् । गाउँमा पुगेको खानेपानी सुविधासँगै स्थानीयले तरकारी खेतीमा सिंचाई गरेर आम्दानी गर्न सुरु गरेका छन् ।

नजिकमा मुहानको अभावका कारण वर्षौंदेखि खानेपानीको समस्या भोग्दै आएका गुल्मी दरबार गाउ“पालिका–४, बिरबासको जीमी र छत्रकोट गाउ“पालिका–३, हर्दिनेटाको नरम गाउँका १ सय ६३ भन्दा बढी घरपरिवारको घरघरमै पानी पुगको हो ।

रिन्यूएवल वर्डको आर्थिक एवं आइडिइ र सप्रोस नेपालको प्राविधिक एवं नवप्रभात युवा संघको सामाजिक परिचालनमा गाउ“मै खानेपानी पु¥याइएको हो । गाउ“मा पुगेको खानेपानीलाई स्थानीयले मिटर प्रविधि जडान गरेर घरघरमै धारा निर्माण गरी वितरण गरेका छन् ।

नजिक मुहान नभएकै कारण गाउ“लेलाई घरघरमै मिटर जडान गरेर खानेपानीको सुविधा लिने र सिंचाई गरेर तरकारीसमेत उत्पादन गर्ने कल्पनासम्म नभएको बिरबासको जीमीकी माया रेश्मीले बताउनुभयो ।

‘यसरी घर घरमै पानीको धारा आउला भन्ने त कुनै कल्पना पनि थिएन’, रेश्मीले भन्नुभयो, ‘अहिले घरमै पानी आएपछि घरको सरसफाइदेखि स्कुल जाने केटाकेटीलाईसमेत निकै सजिलो भएको छ ।’ यस अघि गाउ“लेलाई एक गाग्री खानेपानी लिनकै लागि डेढ घण्टा टाढा पुग्नु पर्ने बाध्यता हटेको रेश्मीले बताउनुभयो ।

बिरबासको बाहुन खोलाको पानी सोलार प्रविधिबाट ६१ मिटर उचाईमा दैनिक १० हजार लिटर पम्पिङमार्फत जीमी गाउँका १४ घरधुरीमा र १६ हजार लिटर पानी जिमीकै ७१ घरधुरीमा सामुदायिक धारामार्फत वितरण गरिएको छ ।

त्यस्तै छत्रकोटको हर्दिनेटामा पनि चनौटी खोलाको पानी २ सय ७ मिटर उचाईमा दैनिक ३० हजार ५ सय ३० लिटर पानी पम्पिङ ७८ घर धुरी र एक विद्यालयमा १ घर १ धारा प्रणालीमा वितरण गरिएको रिन्यूएवल वर्डका क्षेत्रीय परियोजना अधिकृत गंगाप्रसाद आचार्यले बताउनुभयो ।

पानीको सुविधासँगै महिलाले बचेको समयमा घर नजिकैको बारीमा सिंचाई गरेर तरकारी उत्पादन गर्न थालेका छन् । तरकारी उत्पादन सुरु गरेपछि त्यहाँका महिलाहरुले घर खर्चसमेत टार्न थालेका छन् ।

घरमा आएको धाराको पानीको राम्रो सदुपयोग गर्दै महिलाले सिजनमै १० देखि ३० हजार रुपैयाँसम्म आम्दानी गर्न थालेको गुल्मी दरबार गाउ“पालिका–४, बिरबासका वडा सचिव फर्सबहादुर कार्कीले बताउनुभयो ।

‘धेरै वर्षपछि सोलार प्रविधिले गाउ“मै ल्याइएको पानीलाई महिलाले राम्रो सदुपयोग गर्न थालेका छन्,’ कार्किले भन्नुभयोे, ‘कुवाको पानी खाने उपभोक्तालाई सुविधासँगै उत्पादन र आम्दानी समेत बढेको छ ।’ साना मुहान भएका र बाक्लो बस्ती भएका गाउ“लाई यस्तो प्रविधि सहयोगी र सफल बन्ने देखिएको उहाँले बताउनुभयो ।

योजना व्यवस्थापनका लागि उपभोक्ता आफैले समिति गठन गरेर योजना मर्मतका लागि प्रति घर १ हजार रुपैयाँ र पानी खपत गरेको आधारमा थप रकम संकलन गर्ने गरी संरक्षण र व्यवस्थापन गर्दै आएका छन् । गाउ“मा पानी पुर्‍याउन स्थानीय वडा, गाउँपालिका, परियोजना, स्थानीय जनश्रमदानसहित दुवै योजनामा झण्डै ९२ लाख रुपैयाँ खर्च भएको स्थानीय नवप्रभात युवा संघले जनाएको छ ।

Source: Ujyalo Network ले छापेको छ ।

Comments are closed.

Get the latest news and articles about health, science and medicine. A look at the technology and science behind medical discoveries and treatments on atHealthVista

Play the latest edition of the Soccer Heads Unblocked at school. Choose your team and try to win the champions league. Have fun with the most colorful