192.168.0.1 login frases de motivacion
DigitalOcean Promo Code
FIFA World Cup 2018 Live Stream
मोहम्मद सलाह शत प्रतिशत फिट, विश्वकप खेल्ने पक्का
2018-06-14
श्रीनगरमा वरिष्ठ भारतीय पत्रकारको गोली हानी हत्या
2018-06-14

विश्वकप फुटबल प्रतियोगिताको भव्य उद्घाटन

२१ औँ संस्करणको विश्वकप फुटबल प्रतियोगिताको बिहीबार भव्य उद्घाटन गरिएको छ ।

रुसको मस्कोमा रहेको लुझ्निकी रंगशालामा विभिन्न सांगितिक कार्यक्रम र आतिसवाजीका साथ २१ औं संस्करणको विश्वकपको भव्य उद्घाटन गरिएको हाे ।

द्घाटन समारोहमा रुसी राष्ट्रपति भ्लादिमिर पुटिन, सहितका विश्वभरका उच्चस्तरीय सरकारी प्रतिनिधिको सहभागिता छ । 

उद्घाटन समारोहमा ९० को दशकमा पप आइकनका रुपमा प्रसिद्धि कमाएका गायक रोबी विलियम्सले विशेष प्रस्तुति दिएका थिए । 

आज बेलुकादेखि एक महिनासम्म चल्ने प्रतियोगिताको उद्घाटन खेलमा आयोजक रुस र साउदी अरेबिया खेल्नेछन् । खेल रुसको मस्कोमा रहेको लुझ्निकी रंगशालामा नेपाली समय अनुसार बेलुकी पौने नौ बजे सुरु हुनेछ ।

प्रतियोगितामा सहभागी ३२ देशलाई ८ समूहमा विभाजन गरिएको छ । हरेक समूहका विजेता र उपविजेता अन्तिम १६ मा प्रवेश गर्नेछन् । मस्कोका २ सहित अरु १० शहरका १२ रंगशालामा विश्वकप फुटबलका खेल हुनेछन् ।

अबको ३२ दिनसम्म विश्वकपका ६४ वटा खेल हुनेछन । विश्वकपको २१ औँ संस्करणका खेल रुसका ११ शहरका १२ रंगशालमा हुनेछन् । यी १२ रंगशालाहरु १८ सय माइलको दूरीमा छन्  ।

फाइनल खेल आउँदो जुलाई १५ मा उद्घाटन खेल भएकै ८१ हजार दर्शक क्षमता भएको लुज्निकी रंगशालामा हुनेछ । विश्वकपमा ३२ देशका ७३६ खेलाडीले मैदानमा आफ्नो प्रतिभा देखाउने छन् ।

यसपटकको विश्वकपमा फुटवल इतिहासमै पहिलोपटक भिडियो एसिस्टेण्ट रेफ्रि अर्थात भी ए आर को प्रयोग हुँदैछ । मैदानमा रहेका निर्णायकले नदेखेका वा विवाद भएका कुरामा भिडियो फुटेज हेरेर यथार्थ पत्ता लगाइने प्रविधि नै भीएआर हो ।

यसले खेलका क्रममा हुने विवाद र निर्णायकमाथि लाग्ने आरोप अन्त्य हुने फिफाले जनाएको छ । 

सन् १९३० बाट सुरु भएको फिफा विश्वकपमा सर्वाधिक सफल टोली ब्राजिल हो । ब्राजिलले अहिलेसम्म ५ पटक विश्वकपको उपाधि जितेको छ । त्यस्तै जर्मनीले अहिलेसम्म ४ पटक विश्वकपको उपाधि जितेको छ ।

इटालीले ४ पटक विश्वकपको ट्रफी चुम्दा अर्जेन्टिनाले २ पटक विश्वकपको ट्रफी उचालेको  छ । यस्तै उरुग्वेले २ पटक जित्दा फ्रान्स, स्पेन र इंग्ल्याण्डले १-१ पटक विश्वकप जितेका छन् ।

यसपटकका दावेदार 

हुन त विश्वकपका लागि छानिएका सबै ३२ देश नै उपाधिका दावेदार छन् । छनौटमा उत्कृष्ट प्रदर्शन गरेकैले उनिहरु विश्वकपसम्मको यात्रामा आएका हुन । तर विगतको प्रदर्शन, चर्चित खेलाडी र फिफाको बरियताका आधारमा केहि देशलाई मात्र विश्वकपका दावेदारका रुपमा लिइएको छ । 

गएको संस्करणको विजेता जर्मनी पछिल्ला चार विश्वकपमा लगातार सेमिफाइनलसम्म पुगेको छ ।

जर्मनी युरोपको त्यस्तो एक मात्र टिम हो जसले छनौट चरणमका सबै खेल जित्दै रुस यात्रा गर्न सफल भएको हो  ।  १९६२ पछाडी कुनै पनि देशले लगातार  २ पटक विश्वकपको उपाधी जितेका छैनन् । यसअघि सन् १९५८ र ६२ को विश्वकपको उपाधि लगातार ब्राजिलले जितेको थियो । 

अहिलेसम्मका सबै विश्वकप खेल्ने एक मात्र देश ब्राजिल पनि यो विश्वकपको उपाधि दावेदार देश हो । तर पाँचपल्ट विश्वविजेता बनेको ब्राजिलले सन् २००२ यता उपाधि जित्न सकेको छैन । 

स्पेनको टिम निकै बलियो मानिएको छ । त्यसमा च्याम्पियन्स लिग विजेता रियल मड्रिड र क्लब फुटबलमा महारथी मानिने बार्सिलोनाका धेरै खेलाडी रहेका छन् । उनीहरुले यो पटक आफूहरुको पुरानो साख फर्काउने आश गरिएको छ । उसले ८ वर्षअघि २०१० मा विश्वकपको उपाधि जितेको थियो र सन् २००८ तथा २०१२ मा युरोकपको उपाधि उचालेको थियो ।

यस्तै क्रिष्टियानो रोनाल्डोले पहिलो विश्वकप जित्ने सपना सजाएका छन । दुई वर्षअघि पोर्चुगलले युरोकपको उपाधि उचालेको थियो । अहिले रोनाल्डोको नेतृत्वमा पोर्चुगल विश्वकप सपनासहित रुस पुगेको छ ।

यस्तै लियोनल मेस्सी पनि अर्जेन्टिनाबाट पहिलो मुख्य उपाधि उचाल्ने लक्ष्यमा छन् ।

क्लब फुटबलमा सफल मानिए पनि मेस्सीले आफ्नो देशलाई विश्वकपको उपाधि जिताउन सकेका छैनन् । अर्जेन्टिनाले सन् १९७८ र ८६ मा गरी दुई पटक विश्वकपको उपाधि उचालेको छ भने १९३०, १९९० र २०१४ को विश्वकपमा उपविजेता बनेको थियो । 

पउल पोग्बा, एन्टोनी ग्रिजम्यान, ओलिभर जिरउड, ह्युग लोरिस, केलियन एमबाप्पेसहितका खेलाडी भएको फ्रान्सको टोलीमा पनि निकै उर्जा छ ।

उ दुई वर्षअघि युरोकपमा घरेलु मैदानमा बेहोरेको फाइनल हारलाई भुलेर त्यो भन्दा ठूलो उपाधि उचाल्ने दाउमा  छ । यस्तै बेल्जियम, इंल्याण्ड,स्विट्जरल्याण्ड, नाइजेरिया लगायतका देश पनि उत्तिकै सशक्त छन् । 

जे होस आजेदेखि सुरु भएको विश्वकपले ३२ दिनसम्म विश्वभर तरंग फैलाउने छ । तपाईँ पनि आफूलाई मन पर्ने टिमलाई अनुशासित ढंगले समर्थन गर्न सक्नुहुन्छ, ४ बर्षमा एकपटक आउने विश्वकप फुटवलको मज्जा लिन भने नछुटाउनुहोस है ।  

 

Source: Ujyalo Network ले छापेको छ ।

Leave a Reply

Your email address will not be published. Required fields are marked *

Get the latest news and articles about health, science and medicine. A look at the technology and science behind medical discoveries and treatments on atHealthVista

Play the latest edition of the Soccer Heads Unblocked at school. Choose your team and try to win the champions league. Have fun with the most colorful