192.168.0.1 login frases de motivacion
DigitalOcean Promo Code
FIFA World Cup 2018 Live Stream
Nepal’s two biggest leftist forces merge into Nepal Communist Party
2018-05-17
​प्रचण्डलाई मैले तपाईँको माओवादी सिद्धियो भनेँ, प्रचण्डले मलाई तपाईँको एमाले सिद्धियो भन्नुभयो : ओली
2018-05-17

​कर्णाली प्रिमियर लिगमा टिकापुर र धनगढी विजयी

सुर्खेत, जेठ ३ – आजदेखि सुरु भएको कर्णाली प्रिमियर लिग (केपीएल) मा टिकापुर क्रिकेट क्लब र धनगढी क्रिकेट एकेडेमीले विजयी सुरुवात गरेका छन् ।

आज वीरेन्द्रनगरमा रहेको रंगशालामा दुई छुट्टाछुटै खेलमा टिकापुर क्रिकेट क्लब र धनगढी क्रिकेट एकेडेमी विजयी भएका छन् । प्राविधिक कारणले आजका दुवै खेल १५ ओभरमा झारिएको थियो ।

आज भएको पहिलो खेलमा भेरीगंगा स्पोट्र्स क्लबलाई टिकापुर क्रिकेट क्लबले  १ सय ९ रनले हराएको थियो । टिकारपुरका अजय विष्टले अलराउण्ड प्रर्दशनमा टिकापुरले फराकिलो जित हात पारेको हो । टस हारेर पहिले ब्याटिङ गरेको टिकापुरले निर्धारित १५ ओभरमा ९ विकेट गुमाएर १ सय ४४ रन बनाएको थियो ।

उसका ओपनर अजय बिस्टले ३४ रनको बनाई १२ बलमा १ चौका र ४ छक्का प्रहार गर्नुभएको थियो । यस्तै अयुब चन्दले १९ रन र रवी शाहले १७ रन बनाए ।बलिङतर्फ भेरीगङ्गाका तिलक थापा, महेन्द्र बिके र विजय बिकेले २/२ विकेट लिए । १ सय ४५ रनको लक्ष्य पछ्याएको भेरीगङ्गाले ११.४ ओभरमा मात्र ३५ रन बनाउँदा सबै विकेट गुमायो । उसका लोकेन्द्र बिकेले १३ रन बनाउनु बाहेक अन्यले दोहोरो अंक छुन सकेनन्  ।

भेरीगङ्गालाई सस्तैमा समेट्न टिकापुरका रवी शाह र अनिल बिकेले १०/१० खर्चेर समान ३ विकेट लिए भने ललित प्याक्वलले ४ र अजय बिस्टले १० रन खर्चेर समान २/२ विकेट लिएका थिए । यस्तै दोस्रो खेलमा मध्य पश्चिमाञ्चल क्रिकेट क्लबलाई धनगढी क्रिकेट एकेडेमीले  ४६ रनले पराजित गरेको थियो । टस हारेर पहिले ब्याटिङ गरेको धनगढी क्रिकेट एकेडेमीले निर्धारित १५ ओभरममा ७ विकेट गुमाएर १ सय ५६ रन बनायो । उसका विपिन रावलले ३९ रन बनाउन २६ बलमा ४ चौका र १ छक्का प्रहार गर्नुभएको थियो ।  

त्यस्तै तल्लोक्रममा म्यान अफ द म्याच घोषित बसन्त सिंह कार्कीले अविजित ३२ रन बनाउन १२ बलमा १ चौका र ३ छक्का हानेका थिए । बलिङतर्फ मध्य  पश्चिमाञ्चलका भारत थापाले ३ विकेट लिन ३७ रन खर्चिए भने सिद्धान्त शाही, आकाश बिस्ट र भीम धमलाले १–१ विकेट लिए ।

जवाफमा उत्रेको मध्य पश्चिमाञ्चल क्रिकेट क्लबले सुबेन्दु पाण्डेको अर्धशतकका बाबजुत निर्धारित  १५ ओभरमा ७ विकेट गुमाएर १ सय १० रनमात्र बनायो । सुबेन्दु पाण्डेले ५२ रन बनाउन ४० बलमा ६ चौका र १ छक्का हाने ।

यस्तै राजवीर सिंहले १५, प्रनित थापाले १३ र सिद्धान्त राज शाहीले १२ रन बनाउँदा ३ खेलाडी पहिलो बलमा नै आउट भए । बलिङतर्फ धनगढीका बिक्रम ठगुन्नाले ३ विकेट लिन ३ ओभरमा मात्र १९ रन खर्चिए  । प्रतियोगीतामा आज टिकापुर क्लबका अजय बिष्ट र धनगढीका बसन्तसिंह कार्की म्यान अफ द म्याच घोषित भए । 

यसैबीच भोलि तीन खेल हुने भएका छन् । वीरेन्द्रनगरस्थित रंगशालामा हुने पहिलो खेलमा रुपन्देही ११ र  भेरीगङ्गा स्पोर्ट्स क्लबबीच हुने आयोजकले जानकारी दिएको छ । दोस्रो खेल  बिहान साढे १० बजे रोयल राइजिंग क्रिकेट क्लब र धनगढी क्रिकेट एकेडेमीविच र तेस्रो खेलमा दिउँस २ बजे महाकाली क्रिकेट क्लब र टिकापुर क्रिकेट क्लबबीच हुने आयोजकले जनाएको छ । 

कर्णाली प्रिमियर लिगमा १० टिमको सहभागिता रहेको छ । बन्धुविकास बहुउद्देश्यीय सहकारी संस्था सुर्खेतको आयोजना भएको प्रतियोगिता जेठ १२ गतेसम्म संचालन हुनेछ ।  कर्णाली प्रदेशमै पहिलो पटक सर्वाधिक पुरस्कार राशिको प्रतियोगिताको विजेताले ३ लाख, उपविजेताले १ लाख ५० हजार रुपैयाँ पुरस्कारसहित ट्रफी पाउनेछन् । 

Source: Ujyalo Network ले छापेको छ ।

Leave a Reply

Your email address will not be published. Required fields are marked *

Get the latest news and articles about health, science and medicine. A look at the technology and science behind medical discoveries and treatments on atHealthVista

Play the latest edition of the Soccer Heads Unblocked at school. Choose your team and try to win the champions league. Have fun with the most colorful