मनको भावना समयमै पोखिहाल्न रविनलाई रन्जिता गुरुङको आग्रह (भिडियोसहित)
2017-11-15
Nepali Students Fastest Growing Enrollment in US Universities
2017-11-15
Show all

दिक्तेलमा नमुना मतदान

खोटाङ, कात्तिक २९ – जिल्ला निर्वाचन कार्यालय खोटाङले नमुना मतदान गरेको छ । मतदातालाई मतदान गर्ने तरिकाका विषयमा स्पष्ट बनाउँदै मत बदर हुनबाट जोगाउनका लागि बुधबार दित्तेलको हाटडाँडामा नमुना मतदान गरिएको हो । 

मतदाता शिक्षाका लागि कात्तिक २५ गतेदेखि स्वयंसेवक खटाएको निर्वाचन कार्यालयले मतदातामा देखिएको अलमल हटाउनका लागि नमुना मतदान गरेको हो ।

आसन्न प्रदेशसभा र प्रतिनिधिसभाको चुनावमा आफूले दिएको भोट बदर हुन नदिनका लागि मतदाताले नमुना मतदानमा अभ्यास गरेको जिल्ला निर्वाचन अधिकारी दिनेश खत्रीले बताउनुभयो । 

नमुना मतदानका क्रममा स्थानीय बासिन्दालाई स्वस्तिक चिन्ह छाप लगाउन र मतपत्र पट्याएर मत पेटिकामा खसाल्ने विधि लगायतका विषयमा जानकारी गराइएको छ । नमुना मतदानमा कार्यक्रममा ६० भन्दा बढीको सहभागी थियो । 

Source: Ujyalo Network ले छापेको छ ।

Comments are closed.